Адамдардың жас ерекшелігіне байланысты «қоңыр» түсінің ассоциациялануының лингвомәдени ерекшелігі

Аңдатпа

Мақалада қазақы танымға сай «қоңыр» түсінің ассоциациялануы қарастырылған. Түр-түстердің ықпалы қазақ мәдениетінде көптеген жайттардан: көшпенділіктен, тұрғылықты өлкеден, әлемді кеңістікбейне тұрғысынан қабылдаудан, ежелгі діни және мәдени ерекшелік­ тері, сондай-ақ қазақтарда түр-түсті қабылдаудағы психологиялық аспекттен көрініс табады. Дегенмен, бұл тақырыпта сөз қозғамас бұрын, алдымен түр-түс­ терді зеррттеуді жеке өз алдына ғылым ретінде тану – көптеген ма­ мандармен мойындалмай жүргендігін айта кеткен жөн. Бұл отандық көлемдегі дәйек қана емес, жалпы әлемдік филология ғылымның критерийлеріне сай еместігінің дәлелі. Әлбетте, кез-келген ең жеңіл деген әрекеттің өзі теорияға негізделеді. Бұл – бүгінгі таңда түр-түс тануды ғылыми-теориялық негіздеу және нығайтуды өзекті мәселеге айналдыру қажеттілігін туындатып отыр.