Қазақ фольклорындағы ислам негіздері

Аңдатпа

Мақалада қазақ халқының VII ғасырлардан бергі фольклорындағы ислам дінінің негіздері баяндалады. Араб түбегі, Орта Азия, Қазақстан және түркі елдерінің ортақ ауыз және жазба әдебиетіндегі ортақ Құран қиссалары мен пайғамбар хадистерінен туындаған аңыз, әфсаналық тәрбиелік дастандар талданады. Ислам негіздерінің қазақ даласында халық әдебиетінде жеке тарау ретінде таралуы мен қиын кезеңдерде сақталуы, бүгінге күнге мұра боп жетуі айтылады. Ислам елдеріне ортақ әдебиеттің жергілікті ақын-жазушы, жыраулардың қайта жырлауымен өзгеріске түскен тұстары көрсетілген.