Қарапайым метатілдік сана: эксперименттік талдау
әл-Фараби атындағы Қазақ ұлттық университеті
Аңдатпа
ХХ ғасырдың соңғы он жылдығынан бастап ғалымдарды жалқы есімдердің, соның ішінде топонимдердің тарихи-мәдени аспектісі қызықтыра түсті. Топонимдер халықтың өткен тарихы мен таралу географиясынан, мәдени, сауда орталықтары мен бастан кешкен негізгі тарихи оқиғаларынан сыр шерте алады. Топонимдердің өзіндік ерекшелігі, шынайы құбылыстарды сипаттау мен номинациялау қабілеттері – оны жан-жақты, түрлі тәсілдер негізінде зерттеуге ықпал етті. Осылайша, әлемнің топонимдік бейнесі заманауи тіл білімінің өзекті мәселесіне айналды. Топонимдердің этномәдени маңыздылығы мен интегративті мәртебесі өзектілікке себеп бола білді. Аталып өткен топонимдер жайлы әр бір қызықты мәліметтер, біздің зерттеуімізге арқау бола білді. Зерттеу жұмысы Қазақстандағы жерсу атауларын, сол атаулардың қарапайым метатілдік сана тұрғысынан түсіндірілу процесінің іске асуын бақылап, нәтижелерін анықтауға бағытталған. Мақаланың мақсаты географиялық объект ретінде саналатын топонимдердің қарапайым тіл иесі тарапынан қабылдануы мен оны түсіндіруі арасында орын алатын тілдік процестер мен оның көрінісін сипаттау.
