Innovational approaches in the Russian language textbook

Аңдатпа

Мақалада Қазақстандағы орта білім берудің интеграцияланған білім беру бағдарламасы және
сол бойынша жасалған жаратылыстану-математикалық бағыттағы 10 сыныптарға арналған орыс
тілі оқулығының мазмұны қарастырылады. Қазақстандық жалпы білім беретін мектепке енгізілетін
интеграцияланған бағдарлама оқу пәндерін интеграциялауды, проблемаларды шешуде білімін
қолдануды үйретуге бағдар беруді көздейді. Мақалада тілді оқыту аралық сөйлеу тақырыптарын
оқу арқылы басқа пәндермен интеграциялау көмегімен, әртүрлі пәндік саладағы мәтіндерді
қолдану, академиялық тілді дамыту арқылы жүргізілген кезде орыс тілі оқулығында қолданылатын
жекелеген инновациялық әдістемелік тәсілдердің сипаттамасы беріледі. Оқулықтағы мәтін
негізгі дидактикалық бірлік болып табылады, оның негізінде түрлі ақпараттармен жұмыс
жасау дағдылары қалыптасады, оған функционалды оқудың әр түрлі түрлерін қолдану кіреді:
танысу (сканерленген), іздену, үйрету (аналитикалық), түсініктеме беру. Оқушылардың жақсы
бейімделуіне және әлеуметтенуіне, ойлау икемділігін қалыптастыруға, фактілерді, басқа да
пікірлерді объективті бағалауға, өз іс-әрекеттері мен пайымдауларын саралау қабілеттерін іске
асыруға мүмкіндік беретін оқыту үдерісін функционалдық сауаттылықты меңгеруге бағыттайтын
жаттығулардың, тапсырмалардың үлгілері келтірілген. Мұндай тапсырмалардың жетістігі тек
пәндік білімге ғана емес, сонымен бірге оқу стратегиясын меңгеруге, ақпаратпен жұмыс істеуге
және оны практикалық есептерді шешуге пайдалануға байланысты.