А.П. Чеховтың әдеби шеберлігін жоғары оқу орнындағы сабақтарда талдау

Аңдатпа

Бұл мақалада А.П. Чеховтың әдеби шеберлігін жоғары оқу орнындағы сабақтарда талдау әдістемелері қарастырылған.  Мақаланың мақсаты – жоғары оқу орындары аудиторияларында ұлы жазушының әдеби шеберлігін талдаудың тиімді әдістері мен тәсілдерін дамыту. Жүргізілген ғылыми зерттеудің негізгі бағыты – белсенді және интерактивті оқыту әдістеріне негізделген эпикалық әдеби шығарманы талдау әдістемесі. Ғылыми зерттеу идеясы: жазушының алғашқы және кейінгі шығармаларын салыстырмалы талдау студенттерді оның әдеби шеберлігінің табиғатын терең түсінуге жетелейді. Жұмыстың ғылыми маңыздылығы оның теориялық тұжырымдары мен нәтижелері әдеби шығармаларды көркемдік формасы мен мәселелерін салыстыру негізінде талдаудың тиімді жолдарын табуға қызмет ете алатындығымен сипатталады. Бұл тәсіл жазушының әдеби шеберлігінің дамуын көруге мүмкіндік береді. Мақаланың тәжірибелік маңыздылығы онда ұсынылған А.П. Чеховтың әдеби шеберлігін талдау әдістемесін жоғары оқу орындарында эпикалық шығармаларды оқыту бойынша тәжірибелік сабақтарда пайдалануға болатындығында.  Зерттеу әдебиеттану, педагогика, дидактика және әдебиетті оқыту әдістемесінің құралдарын, тұжырымдары мен ережелерін қолдану арқылы жүргізілгендіктен пәнаралық сипатқа ие. Зерттеу нәтижелерінің тәжірибелік маңыздылығы мақалада оқытудың инновациялық әдістерін қолдану негізінде әдеби шеберлікті талдау әдістемесі сипатталғанында көрінеді. Бұл әдістеме жоғары оқу орындарында прозалық шығармаларды зерттеудің тиімді технологияларын жасау үшін қызықты болуы мүмкін.

Түйін сөздер: әдеби жаңалық, әдеби шеберлік, әңгімені талдау әдістемесі, интерактивті оқыту, А.П. Чехов.