Сөйлеу актілері сот-лингвистикалық сараптаманың зерттеу нысаны ретінде

Аңдатпа

Тұлға сөзі иллокутивті сөйлеу актісі ретінде өз серіктесінің көзқарасына, іс-әрекетіне ықпал етуді көздейді. Сөйлеу стратегиясының (мақсат, ішкі ниет, жоспар) жүзеге асырылуында тура және жанама ықпал ету актілері, түрлі тілдік тактикалар мен тілдік манипуляция маңызды орын алады. Бұл орайда мәжбүрлеу, кеңес-нұсқау беру, ақыл айту, қорқыту, қайсыбір қылмысты іске арандату тұрғысынан ықпал етуге құрылған сөйлеу актілері сотлингвистиканың зерттеу нысанына айналады. Мақалада қылмысты іске арандату белгілерін қамтитын сөйлеу актілерінің заңгерлік аспектілері қарастырылады. Сот-лингвистикалық сараптама тәжірибесінде орын алған коммуникативтік жағдаят үдерісіндегі сөйлеу актілеріне прагматикалық сипаттау әдісі көмегімен талдау жасау үлгісі көрсетіледі.