Рухани жаңғыру: М. Әуезовтің педагогикалық мұрасын заманауи тұрғыда интерпретациялау

Аңдатпа

Мақалада қазақ әдебиетін әлемге танытқан қарымды қаламгер, ұлы жазушы М. Әуезовтің
шығармашылығындағы педагогикалық мұралардың әдістемелік қырларын жан­жақты ашып
көрсетуге баса назар аударылған. Ол үшін жазушының 1917 жылдары оқу­ағарту ісіне қатысты
ой­пікірлерін білдіріп жазған алғашқы мақалалары мен одан кейінгі жылдары жазған зерттеу
еңбектері, оқу құралдары, әдістемелік бағдарлама және хрестоматия­оқулық үлгісінде жазған
еңбегі зерттеу нысанына алынған. Педагогика саласында еңбектер жазып дарынды ұстазға
айналған жазушының әр туындысы жеке дара талданып, авторлық түсініктемелер мен ой
қорытулар жасалынған. Терең теориялық талдаулар жасалынып, әр еңбектің өзіндік ерекшеліктері
сол заман мен бүгінгі заман контексінде салыстырыла отырып зерделенеді. Ұлы жазушының
педагогикалық­ағартушылық мұралары негізінен халықты сауаттандыруға бағытталғандығына
баса назар аударылып, жас балалар мен ересек жастағы адамдардың оқып білім алуларын
көздеген көзқарастары ғылыми таным тұрғысынан баяндалады.
Сондай­ақ, ұлы жазушының жалпы рухани мұралары әр заманда өз уақытына сай
интерпретациялануы мен Елбасы Н.Ә. Назарбаевтың «Болашаққа бағдар: рухани жаңғыру» атты
бағдарламалық мақаласындағы қоғамдық сананы жаңғыртумен өзара үндестігі туралы пікірлер
сараланады.