Мәтінді оқытудағы мультимедиалық технологияларды пайдаланудағы нейролингвистиканың рөлі
Аңдатпа
Мақалада мәтінді оқытудағы мультимедиялық технологияларды пайдаланудағы нейролингвистиканың рөлі мен маңызы жайлы сөз болады. Шет тілдерді игерудің жалпыеуропалық құзыреттері: зерттеу, оқыту, баға стандартында бұл «қатысымдық тұлғалар» – тілдік дағдылар деп аталған. Тілдік төрт дағды (айтылым, тыңдалым, жазылым, оқылым) тілді үйренушінің немесе студенттің сөйлеу әрекетін қалыптастырады. Осылардың ішінде басқа дағдыларды қалыптастырудың негізгі алғы шарты – тыңдалым әрекеті болып табылады. Яғни, мәтінді аудиотыңдау арқылы тілді үйрету лингвистикалық-психикалық, танымдық процестер негізінде тілді үйренушінің миында нейролингвистикалық бағдарламалауды жүзеге асырады. Миды бағдарламалау арқылы тілді үйрету өте тиімді әдістердің бірі болып табылады.
