Қиял-ғажайып ертегілерінің сюжеттік құрылымы

Аннотация

Бұл мақалада әрбір ертегі түрінің өзіндік көркемдік ерекшелігімен бірге барлық ертегіге тән ортақ заңдылықтары да бар екені баяндалады. Ол ертегінің құрылымы мен сюжетіне қатысты. Сюжеттің сипаттық белгісі оқиға дамуының кіріспесі болып, ертектегі оқиға ешбір бұрылыссыз тек алға жылжиды. Қазақ ертегілерінің қомақты бөлігін қиял-ғажайып ертегілері құрайтыны белгілі. Мұндағы көркем уақыт дәл уақытты білдірмейді және көркем кеңістік те шынайы сипат иеленбейді. Барлық ертегілерге тән заңдылықтар көркемдік амалдардың сипатынан туындайды. Сондай-ақ, ертегіден ертегіге өзгеріссіз, кейде аздаған өзгеріспен көшіп жүретін фразалар мен стильдік формулалар болатыны, ертегілердегі уақыт ешқашан дәл нақтылық иеленбейтіні, белгілі бір шеңберден шықпайтыны айтылып, жалпы ертегіде кейіпкердің портреті, мінезі, жасы анық көрсетілмейтіні ертегі түрлерін өзара салыстыру мен салғастыру, талдау арқылы алғаш рет зерттеледі.