Қазақ халқының жыршылық өнері

Аннотация

Қазақ ұлтының көшпелі тұрмысы – ауыз әдебиетінің қалыптасуы, дамуы және гүлденуіне айрықша рөл атқарған ауызша дәстүрдің өсіп-өнген топырағы һам қисса айту өнерінің көркеюінің тіке себебі. Араб-парсы әдебиеті бұл өнердің мазмұны мен формасын зерттей отырып, осының негізінде өзіндік ерекшелікке ие қазақ жыршылық өнері қалыптасты. Қазақтың жыршылық өнері қазақ ұлтының тарихымен, мәдениетімен, тілімен, ділімен, тұрмыс-салтымен біте қайнасқан. Қазақ халқының жыршылық өнерін батырлар жыры, тарихи дастандар, лиро-эпостық, ғашықтық жырлар мен аңыз әңгімелер құрайды. Қазақ халқының жыршылық өнерінің бір бөлшегін араб-парсы және шағатай тілдерінде жазылған «Жүсіп-Зілиқа», «Хұсырау-Шырын», «Ләйлі-Мәжінүн», «Мың бір түн», «Шаһнама» сияқты ғашықтық жырлар құрайды. Бұл хисса дастандар қазақ тілінде жыр формасында жырланып, түрлі кезеңдерде хатқа түсті.