Қазақ тілін оқытуда эмоцияның рөлі

Аннотация

Эмоция – адам бойындағы ең үлкен күш. Себебі ол адамның еркінен тыс, ол адамға бағынбайды. Ал біз осы ішкі құбылысты еліміздегі қазақ тіл білімінің дамуына, оны оқытуға дұрыс қолдануымызға болады. Адам бойындағы борыш, мақтаныш, жауапкершілік, ұят, аяушылық және т.б. сезімдерді оята отырып, адамның бұл тілді неліктен оқуы керектігін түсіндіруге болады. Адамның психикалық күйін зерттеу арқылы оның жекелеген эмоциясын тануға мүмкіндік аламыз. Және әр адамға тілді әртүрлі эмоцияны ояту арқылы үйретуге, оқытуға болатынын түсінеміз. Тіл тек байланыс құралы ғана емес, сонымен қатар рухани азық бере алатындығын танытамыз. Борыш сезімін оята отырып, өз елінің тілін білуге шақырамыз. Немесе мақтаныш сезімін оята отырып, өзінің осы тілді жетік білуге деген құлшынысын арттырамыз. Мұның барлығы адамның эмоциясын дұрыс таныған кезде іске асады.