Шетелдік тілдік санадағы этностереотиптерді зерттеу тәжірибесінен
Аннотация
Қазіргі жаһандану үдерісіне сәйкес мәдениаралық қарым-қатынастардың қарқын алған заманында түрлі халықтар үшін өз этникалық имиджі маңызды мәселе болып табылады. Этникалық имидждің қалыптасуында масс-медиа ресурстерінде көрініс табатын этникалық ақпараттармен қатар, этностереотиптердің де өзіндік үлесі зор. Ұсынылып отырған мақалада масс-медиа ресурстері қатарында табылатын кинофильмдердің шетелдік тілдік санада қазақ ұлты туралы этностереотиптер мен ассоциация тудыру мүмкіндіктері қарастырылады. Бұл орайда автор зерттеу нысанына этникалық имиджге байланысты теріс пікір қалыптастыру мүмкіндігі тұрғысынан қазақ қоғамында дау тудырған режиссер Е. Тұрсыновтың «Келін» анимациялық фильмі мен С. Қожықовтың «Қыз Жібек» фильмін алып, Әл-Фараби атындағы ҚазҰУ-дағы шетелдік студент-респонденттерге көрсету арқылы, өз мазмұнында ассоциативті экспериментті де қамтитын сауалнама жүргізеді. Сауалнама нәтижелеріне сандық талдау, сондай-ақ сапалық талдау жасалады. Ассоциативтік эксперимент нәтижесіндеқазақ ұлты, қазақстандық басқа да этностар туралы этностереотиптердің қатары анықталады.
