Тіл біліміндегі «тілдік тұлға» теориясының зерттелуі

Аннотация

Мақалада тіл біліміндегі тілдік тұлға теориясы туралы зерттеулерге шолу жасалып, балалар
әдебиетінің классик жазушысы Бердібек Соқпақбаевтың тілдік тұлғасы қарастырылады. Қазіргі
тіл білімінде адамзат қауымының ғасырлар бойғы тіл арқылы дүние бейнесін тануға ұмтылған
талабынан келіп, шындық болмысты танудың белсенді формасы болып табылатын тілді
тұтынушы, дүниетаным өзегі – тілдік тұлғаны зерттеу проблемасы бой көтерді. Антропоөзектік
бағытына сәйкес ұлттық мәдени құндылық ретіндегі ұлттық тілдік мұраны, ұлттық ділді, ұлттық
психологияны терең меңгерген Б. Соқпақбаевтың тілдік тұлғасын зерттеу – ұлттық болмыс
пен халықтың дүниетанымын тануда маңызы зор. Жазушы тілдік тұлғасының даралық сипатын
тану үшін қаламгер шығармаларының ерекшелігін танытатын мәтіндер негізінде зерттеу қажет.
Балалар әдебиетінің классигі атанған жазушы Б. Соқпақбаевтың тілдік тұлғасы аса білімді,
мәдениетті, ой өрісі кең элитарлық тұлға саналады. Ол меңгерген білім дағдыларын, ғаламның
тілдік бейнесіндегі ұрпақтан-ұрпаққа беріліп сақталған ұлттық таным мазмұнын келер ұрпаққа
жеткізетін ұлттық тұлға.