Құрылымдық және функционалды бағыттағы зерттеулердің ерекшеліктері
Аннотация
Мақалада дәстүрлі грамматиканың даму тарихы тұрғысынан ғана емес, зерттелу тәсілдері тұрғысынан да құрылымдық грамматикадан ерекшеленетіні сөз болады. Мақала тақырыбының өзектілігі тұлғалық және функционалды бағыттардың басты-басты ерекшеліктерін айқындау болып табылады. Аталған екі бағыттың ең алдымен бастау нүктесі екі түрлі екендігі, тұлғалық грамматика тіл жүйесін «құралдық көрсеткіштен мағынаға» қарайғы бағытта зерттесе, функционалды грамматика «мағынадан құралдық көрсеткішке» қарайғы бағытта қарастыратындығы нақтыланды. Дәстүрлі грамматика сөйлемнің тұлғалық құрылымын талдаса, функционалды грамматика сол құрылымдардың сөйлеу кезіндегі актуализациялануын қарастырады деуге болады. Мақалада тіл білімінде қатар қарастырылып, бірінің дамуына бірі негіз болып келе жатқан тұлғалық және функционалды грамматикалардың өзара ерекшеліктерін санамалап көрсетіп, арнайы кестеге жинақтадық.
