Қазіргі тіл біліміндегі эллипсис және оның тілдік құралдарды үнемдеудегі ерекшелігі мен олардың арақатынасы

Аннотация

Мақала салыстыруға келетін тілдерде жазылған мәтіндердегі эллипсистік айтылымдарға
арналады. Таңдалған тақырыптың мақсаты эллипсистік сөйлемдердің ерекшелігі мен объективті
шындығын айқындауда дәстүрлі тіл білімінің құрылымдары қажетті ақпараттарды дәл бере
алмайтындығымен түсіндіріледі. Бұл бірінші жағынан қарым-қатынас барысында эллипсисті жиі
пайдалатындығымызды аңғартады. Сонымен қатар эллипсис мәтіндегі диалогтың жалғасуына
негіз болатын диалектикалық компонент.
Эллипсистік айтылымдардағы ақпараттарды интерпретациялау стратегиясын анықтауда
әлемді танудың тілдік және концептуалды көзқарасын қалыптастырушы тіл білімінің танымдық
механизмдерінің анықтамасы толық ашылмаған.
Мақала авторы эллипсисті тілдік феномен ретінде тіл білімінің зерттеу нысаны және сан рет
талқыға түскендігін айтып өтеді. Мысалы, эллипсис – риторика немесе грамматикада байқалады,
әсіресе толық емес және эллиптикалық сөйлемдерді анықтау мәселесі және де негізгі мүшелері
бар, бірақ қосалқы эллиптикалық сөйлем бөлшектері түсіп қалған сөйлемдерді сөйлем деп
табуға бола ма деген сұрақтар әрқашан талқы нысанына айналып отырады. Дегенмен тілшілер
арасында осы мәселелер айналасында бір ізділік болмағандықтан мақаланың өзектілігі өздігінен
айқындалып отыр.
Мақаланың мақсаты мәтін мен дискурстардағы эллипсистің функционалды-танымдық
ерекшелігін ағылшын, әзірбайжан, испан тілдері үлгілері негізінде зерттеу және де қосымша тіл
білімінің факторларын анықтау, қорытынды жасау.