Ақын-жыраулар поэзиясындағы шариғат негіздері
Аннотация
Сөз зергерлері жыр тыңдаған жамағатты шын мәнінде ислам дінінің тұнық қайнарымен
сусындатты. Олар бұл ретте Құран аяттарына, Алланың соңғы елшісі Мұхаммед (ғ.с.)
пайғамбарымыздың хадистеріне және ислам ғұламаларының еңбектері мен орта ғасырлық
әдеби жәдігерлерге сүйенді. Дүние жаратылысының сырын жыр арқауына айналдырған
Арқадан Атырауға дейінгі дәстүрлі өнер мектептерінің өкілдері өз тыңдарманын жаратылыстың
тылсым сырына үңілдіріп, одан ғибрат алуға үндейді. Бұл мақалада ақын-жыраулардың өлеңтолғауларындағы мұсылман парыздары туралы философиялық ой-тұжырымдары баяндалған.
Адамзат тарихымен мәңгі бірге жасасып келе жатырған тақырыпты зерделеген ақын-жыраулар
өз тыңдаушысын мұсылман парыздарынан ғибрат алуға шақырады. Адамның Алла алдындағы
ұлы миссиясы – жаратылысты, өзін жаратқан Иесін адаспай тануға талпыну болып қала бермек.
Дүние жаратылысының ұлы мақсатын жеткізуге тырысқан ақын-жыраулар жыр тыңдаған
жамағатты шын мәнінде ислам дінінің тұнық қайнарымен сусындатты.
