Эпикалық жанрлар табиғаты

Аннотация

Мақалада эпикалақ жанрдың түрлерін сөз ете отырып, олардың басқа жанр түрлерінен
айырмашылығы да қарастырылады. Эпикалық жанр түрлері Академик З.Қабдоловтың шағын
көлемді, орта көлемді және кең көлемді деген жіктеуі бойынша талданады. Бұл жіктеу эпикалық
шығармаларды тек көлемдік жағынан ғана емес, ең бастысы өмір шындығын қамту мен адам
мінезін тұлғалау мүмкіндігіне де байланысты жасалған.
Мақалада эпостық жанр ерекшеліктерінің бірі өмір шындығы уақиғаны баяндау арқылы
көрсетілетіні сөз етіле отырып, эпикалық жанр түрлері: аңыз, ертегі, мысал, очерк, әңгіме, новелла,
батырлар жыры, дастандар, поэма, повесть, роман және роман-эпопеялардың ұқсастықтары мен
айырым белгілері де көрсетіледі. Сондай-ақ, мақалада эпикалық жанр түрлері мен ерекшеліктері
туралы ғалымдардың айтқан ой-пікірлері берілген. Эпикалық жанр түрлерінің айырым-белгілері
мен ерекшеліктеріне төл әдебиетіміздің классик жазушыларының шығармаларынан мысал
келтірілген.