Болашақ орыс тілі мен әдебиеті оқытушыларын даярлау үдерісіндегі ЖАОК рөлі

Аннотация

Мақалада жаппай ашық онлайн курстарды (ЖАОК) жоғары білім беру жүйесіне енгізудің әдістемелік негіздері мен оның болашақ орыс тілі мен әдебиеті оқытушыларын даярлау үдерісіндегі рөлі қарастырылады. ЖАОК-тың оқу үдерісіне ықпалына шолу жасалып, оның білім беру бағдарламаларында қолданылатын негізгі форматтары талданады: аралас оқыту, онлайн форматқа көшу, білім алушылар мен оқытушылар арасындағы өзара әрекеттестік кеңістігін кеңейту және электрондық ресурстарды қолдану.

Зерттеуде ЖАОК құрудың негізгі кезеңдері сипатталып, олардың ішінде мақсатты аудиторияны зерттеу, материалды құрылымдау, теориялық білімді практикалық тапсырмалармен байланыстыру және лингводидактикалық ерекшеліктерді ескеру маңызды орын алатыны айтылады. Сонымен қатар, цифрлық технологияларды қолдану арқылы кәсіби құзыреттіліктерді дамыту және студенттердің жеке білім траекториясын құру мүмкіндіктері талқыланады.

Мақалада жаппай ашық онлайн курстардың (ЖАОК) жоғары білім беру жүйесіндегі мүмкіндіктері мен болашағы талқыланып, олардың оқыту әдістемесін жетілдірудегі рөлі ашылады. Авторлар ЖАОК платформаларының (Coursera, EdX, FutureLearn) мысалдарын келтіріп, олардың халықаралық тәжірибеде қолдану нәтижелерін қарастырады. Зерттеудің теориялық негізі ретінде цифрлық педагогика, оқыту әдістемесі және АКТ құзыреттілігіне қатысты ғылыми тұжырымдамалар алынған. Мақала ЖАОК-ты енгізу мен қолданудың артықшылықтары мен қиындықтарын талдап, оқытуды дараландыру және мәдениетаралық құзыреттілікті дамыту тұрғысынан өзекті.

Түйін сөздер: Сандық технологиялар, ақпараттық-білім беру ортасы, коммуникациялық құзыреттілік, жаппай ашық онлайн-курстар (ЖАОК), кәсіби қызмет.